Monday, November 06, 2006

陳水扁﹕民主的學習曲線

11月5日的蘋果日報一則題為「台灣做到,為何香港做不到?」的新聞,引述了倒扁總指揮施明德一段被蘋果記者稱為「令人動容」的說話﹕

- (施明德說)「台灣應該是華人社會的借鏡吧,台灣做得到,為甚麼香港做不到 ? ‥‥可能是香港人所關心的比較偏向經貿吧,所以對政治的民主化,可能付出的努力不夠多呀。 」

Yellowcow感受不到其「令人動容」之處,更不明白施明德那種漠視憲法及司法程序,只以群眾運動作為手段去推翻一個民選總統的做法,究竟對政治民主化有何幫助。

我不是台灣人,當然亦感受不到部分台灣人對阿扁的恨意﹔但既是一個民主社會,選出來的無論是好是醜,除非符合憲法上罷免程序(或司法上將之定罪),否則便要承擔後果,這正是實踐民主的學習曲線。

3 comments:

Anonymous said...

有時睇閣下文章真係好 R 頭,乜靜坐示威,係漠視憲法及司法程序既咩?

陳水扁都唔單止係實質有冇犯法既問題,係有好多人唔信佢,聚埋一齊要求佢落台,係不民主既咩?示左n日威,陳水扁仲在位,何來漠視憲法及司法程序?

更奇怪就係,民進黨唔比黨員入立法院投票罷免陳大總統,唔知點咁做呢?算唔算漠視民主程序?當然,牛唔飲水唔禁得牛頭低既,不如叫民進黨人問心,如果有得行使佢應有既投票權,你估佢地想投反對,定支持票呢?

Yellowcow said...

好多人聚埋一齊,要求某人落台,是民主法治制度所保障的權利。

當有不滿時,只知道「好多人聚埋一齊,要求某人落台」,而不去承受當日選錯的後果,是其尚未學曉尊重民主的遊戲規則。

Anonymous said...

明明黃牛兄自己先講「好多人聚埋一齊,要求某人落台,是民主法治制度所保障的權利。」,咁即係集體要求某人落台係民主法治制度容許,呢個亦係遊戲規則,而做呢種事的人又係明白及尊重民主的遊戲規則啦,何解下一段就立刻話「而不去承受當日選錯的後果,是其尚未學曉尊重民主的遊戲規則」呢?
台灣人民要唔尊重民主的遊戲規則,施明德就應該自立為台灣總統、然後國民黨又話封自己係新台灣政權,咁先係唔尊重嘛。
黃牛兄,你知唔知道自己講緊乜架。